ТIекхочийла долу линкаш

Сулаев Мохьмад. Аганан йиш


Казахстан - Астана, 2014

Казахстан - Астана, 2014

Сулаев Мохьмад

Аганан йиш

Мархаш дIатеттина,
ЦIеххьана къегина,
Схьакхетта беттаса санна,
Шаршу дIахилийна,
Чоь серлаяьккхина,
Сан кIорни, хьо доьлу хьанна?

Дахаран хIорда тIехь
Хьо идош халонех
Ас хьоькху сайн деза пийсак...
Хьайн нана йиц ца еш,
Даймахках воккхавеш,
Кхиалахь, сан деган кийсак!

Хьо муха кхуьур ву,
Кхиъча хьох мила хир ву -
Хоьттуш хьоь седарчий хьуьйсу.
Кхиъна хьо валаре,
Шайна тIе кхачаре,
Цара а гуттар сатуьйсу.

Сан кIорни сихлолахь,
Меттахь ма вахлолахь:
Дукха ду лаьтта тIехь хьашташ!
Хьо шайца хиларе,
Ахь шайна гIо даре
Хьоьжуш ду дуьнен чохь адмаш!.

Дахаран хIорда тIехь
Хьо идош халонех
Ас хьоькху сайн деза пийсак.
Хьайн пана йиц ца еш,
Даймахках воккхавеш,
Кхиалахь, сан деган кийсак!

1963

Гоьваьлла нохчийн яздархо а, байтанча а Сулаев Мохьмад (1920 - 1992) вина 1920-чу шеран гезгмашин-беттан 20-чу дийнахь ГIойтIахь. 1941-чу шарахь Мохьмада чекхйоккху Бакура лоьрийн институт. Лоьралла а, яздархочун болх а цхьаьна дIакхийхьира цо. М.Сулаевс дуьххьарлера шен байташ язйира 1935-чу шарахь. Кхоллараллин хьалхара мур чекхболу 1943-чу шарахь «Малх тоьлур бу» поэма язъярца. 1958-чу шарахь «Безаман эшарш» цIе йолу стихийн гулар араяларца дIаболало поэтан кхоллараллин керла мур. ХIетахь дуьйна цо арахоьцу поэзин, прозин дуккха а книгаш: «Велларг денвар», «Даймехкан зIаьнарш», «Товсолта ломара дIавоьду», «Дагчуьра суйнаш», «Бакъдерг», «Адамалла», «Сирла суьйре»… Поэтан кхалхар хилла 1992-чу шарахь.

XS
SM
MD
LG