ТIекхочийла долу линкаш

ЦIеххьана кхаьчна хаам!

Юсупов Iилман. Ненан даго...


Russia -- Ingushetian women cry over the body of Larissa Kotieva, 22, killed by a drunken Russian soldier, during the funeral ceremony in the village of Ordzhonikidzevskaya in Ingushetia, not far from the Chechen border, Friday 26 November 1999.
Russia -- Ingushetian women cry over the body of Larissa Kotieva, 22, killed by a drunken Russian soldier, during the funeral ceremony in the village of Ordzhonikidzevskaya in Ingushetia, not far from the Chechen border, Friday 26 November 1999.

Юсупов Iилман

***

ЖIаьлех къаьхкий, буьйса Iаьнан
Эвла йистехь гош тIе лахло.
Беттан серло лайла Iаьнна,
Цуьнца куьйгаш дохдо махо.

Сихвелла ша йолчу кхача
КIант цIа вогIуш нанна гIан го -
ХIинццалц и цIа лелла тача
Ненан даго лайх дIацIандо...

Юсупов Iилман нохчийн поэт ву. Цо чекхъяьккхина Нохчийчохь юккъера школа а, А.А. Ждановн цIарах йолчу Ленинградан пачхьалкхан университетан историн факультет а. Белхаш бина школехь, газетийн а, журналийн а редакцешкахь, иштта Нохчийн Республикан Ичкерин дешаран а, Iилманан а министерствехь министран хьалхарчу гIовсан даржехь. Юсупов Iилман поэзин ворхI книгин автор ву: «Заманан мазлагIа» (1991), «Доьналлин маьждиг» (1997), «Иэсан гIу» (1999), «Нохчийн кхерч» (шведийн маттахь, 2011), «Илли а, мухIажаралла а» (гIазакхийн маттахь, 2015), «Хьан кхерчан суй» (2015), «Иэсаца къамел» (2016). Юсупов Iилманан байташ араюьйлу нохчийн, оьрсийн, украинхойн, болгархойн, шведийн, ингалсан, испанхойн меттанашкахь. 2001 шарахь дуьйна эмиграцехь ву иза. Карарчу хенахь Швецехь вехаш ву. 2015-чу шарахь Швецин пачхьалкхан яздархойн Союзо шен могIаршка дIаэцна Юсупов Iилман.

XS
SM
MD
LG