ТIекхочийла долу линкаш

Хатуев Iабдулхьамид. Юьртхошка


Russia -- Chechen village Kaibakh. 8Oct1989

Russia -- Chechen village Kaibakh. 8Oct1989

Юьртхошка

Со хьелахь генарчу гIалахь,
Даймахка ца боккхуш ког,
Нохчо вац суна ма ала -
Кийрахь ду нохчочун дог.

Чоица ара ца валарх,
Ца тилларх холхазан куй,
Нохчо вац суна ма ала -
Хаалаш со нохчо вуй.

Геналлехь сатуьйсуш хьоьга,
Легашкахь сецабеш къурд,
Юха а хьо гаре хьоьгу,
Лаьмнашкахь йисна сан юрт!

Сан дог ду даима ломахь,
Ойла а лаьмнашкахь ю.
Яхалахь, Нохчийчоь хьоме,
Хьан кIентий хьох тешна бу!

Дайн иллеш озор ду оха,
Дегнашкахь къагор бу суй!
Айало, илли, тIам тоха,
Хаьийта, тхо нохчий дуй!

2003 шо

Хатуев Iабдул-Хьамид (1952-2011) — нохчийн байтанча, журналист, Нохчийн Республикан яздархойн бертан декъашхо а вара. член СП ЧР. Иза вина 1952-чу шарахь. 1974-чу шарахь цо чекхъяьккхира Нохч-ГIалгIайн пачхьалкхан университет. Цуьнан дахаран некъ хедира 2011-чу шеран дечкен-беттан 17-чу дийнахь.

XS
SM
MD
LG