ТIекхочийла долу линкаш

Хатуев Iабдулхьамид. Дуьсур ду дуьне


Казахстан -- терахьашца

Казахстан -- терахьашца

Хатуев Iабдулхьамид

Дуьсур ду дуьне

Стигал кхозу
Iаржъелла,
Мархаш елха,
БIарзъелла,
Чурт деш огу
Пхьеро аьлха.
Дуьсур ду хьо,
Дуьне маьлха!

Зинтаг дургал
Такхийна,
ДогIу Iаьно
Човхийна.
Лоцур ду и
Лайно аьрха…
Дуьсур ду хьо,
Дуьне маьлха!

ГаьнтIехь набъеш
Шелло хьоза.
Ане шорло
Доцуш доза.
Даха лууш
Дог ма делха:
Дуьсур ду хьо,
Дуьне маьлха!

Дадас меттахь
ДоIа деш,
Догу пешахь
ТIаьххьар чIеш.
Яшош овкъарш
БIаьрхиш хьаьлха
Дуьсур ду хьо,
Дуьне маьлха!

Дерриг долу
Мацца чекх,
Кхачош хуьлу
Муьлхха некъ.
Дог ца кхета:
Дела?Делха?
Дуьсур ду и,
Дуьне маьлха!

Хатуев Iабдул-Хьамид (1952-2011) — нохчийн байтанча, журналист, Нохчийн Республикан яздархойн бертан декъашхо а вара. член СП ЧР. Иза вина 1952-чу шарахь. 1974-чу шарахь цо чекхъяьккхира Нохч-ГIалгIайн пачхьалкхан университет. Цуьнан дахаран некъ хедира 2011-чу шеран дечкен-беттан 17-чу дийнахь.

XS
SM
MD
LG