ТIекхочийла долу линкаш

Хатуев Iабдул-Хьамид

***

Лаьмнаш къагош тIома долу маьлхан нур,
Набарх ярташ самайовлу гIиттош кIур.
Хин татолаш орца-басахь иллех лоь,
Туьйранел а хаза ю хьо, Нохчийчоь.

Хьан аренан хелиг ду со,
Хьан аьрзонан пиллиг ду со,
Хьан син хIордан тIадам бу со,
Ахь декъалвахь адам ду со.

Хьан лаамийн тIемаш хийла мерцина,
Хьан ойланийн гIаланаш мел херцийна.
Амма угIу дарц дIасецча гIайгIа тоь,
БIешерашкахь ехар ю хьо, Нохчийчоь.

Дикчу кIентийн дегнаш лур дац цкъа а къеж,
Марса юьйлуш ломахь туьйсу хелхаран кIеж.
ХIора дагчохь безам хестош богу суй,
Къарбан йиш яц хьо Iалашбан биъна дуй.

Хьан аренан хелиг ду со,
Хьан аьрзонан пиллиг ду со,
Хьан син хIордан тIадам бу со,
Ахь декъалвахь адам ду со.

Хатуев Iабдул-Хьамид (1952-2011) — нохчийн байтанча, журналист, Нохчийн Республикан яздархойн бертан декъашхо а вара. член СП ЧР. Иза вина 1952-чу шарахь. 1974-чу шарахь цо чекхъяьккхира Нохч-ГIалгIайн пачхьалкхан университет. Цуьнан дахаран некъ хедира 2011-чу шеран дечкен-беттан 17-чу дийнахь.

XS
SM
MD
LG