ТIекхочийла долу линкаш

МухIажирш Австре кхаьчна


Венгрин, Хорватин дозанашкахь совцийна латтийна Малхбалера мигранташ чукхочуш бу Австре. Шайн дозанал чоьхьаваьлла 6700 мухIажир, хаамбина шоьтадийнахь Австрин полицино.

Хьижрат дахделлачу мухIажиршна ца тоьа кхача, хи. Мигранташ шаьш бахарехь, цаьрца мелла а къинхетаме бу австрихой, германхой. Цуьнца доьзна ду ала тарло Венгрино а, Хорватино а автобусашкахь бала а беш, немцойн мехкийн дозанашка кхийсар даймахкара уьдуш схьаоьху шемахой, иракъхой, овхIанхой.

МухIажирш шен дозанна гергакхаьчначу Словенино къевлира шоьтадийнахь шен доза, полици яра мухIажирш юхабохуш, бIаьргех хидоккху газ а тIехь юкъаяьккхина хьийзаш.

XS
SM
MD
LG