ТIекхочийла долу линкаш

ЦIеххьана кхаьчна хаам!

Оьрсийчоьнна ямарт хилла аьлла 14 шо хан тоьхна эпсарна Кравцовна


Оьрсийчоьнан эскаран Коьртачу штабан Коьртачу талламан урхаллин белхахо хилла волу Кравцов Геннадий чувоьллина Москох гIалин суьдо 14 шо хан а тоьхна. Цунна бехке диллинарг ду пачхьалкхана ямарт хилар. 14 шо хан цу стага токхур ю луьрачу хьелашкахь. Суьдхочо Кравцов ваьккхина подполникан даржах, цо динарг вуно деза зулам ду аьлла.

Шен агIор Кравцовс шен цхьа а бехк бац бохуш чIагIдо. Кравцов Геннадий дIалацарх лаьцна хаамаш баьржира кху шеран Чиллан-беттан 6-чу дийнахь. Цуьнан адвокато дийцарехь, Кравцовс ямартло йина Швеце шен резюму а яхьийтина. Болх лохуш волчу цу стага хаам бина хилла, ша хIун болх беш хилла а, хьулйина йоцучу «Целина-2» олучу космосан аппаратах лаьцна а. Пачхьалкхан къайленаш ларйеш Кравцовна тIехь суд йира къевлинчу рожехь.

Оха хьоьхург

XS
SM
MD
LG