ТIекхочийла долу линкаш

Батаева Хедa

Нохчийчоь

Хьо суна езнера, Нохчийчоь,
ХIинца а еза -
Хьан чевнийн моьнаша
БIаьрса дIахудучу хенахь.
Хьо суна езнера, Нохчийчоь,
ХIинца а еза,
Даима езна хьан
Ихначу бIешерийн гене.

Тахана тIеман кIур,
Де кхолош, Iаьршашка IаьIна,
Маьлхан нур чекхдала ца дуьтуш,
Кхолийна латта,
Нохчичоь, Нохчичоь,
Хьан корта охьа ца таьIна,
ТIеман кхаж дIакхехьа
Хуьлуш ца хиллехь а атта.

Iуьйренан - "ГIовтта хIай!"
Суьйренан - "УьстагIий догIу!"
Дененан - "Бабин йоI",
Ненаден - ДIалакха йиш"-
Хьо яра, Нохчичоь,
И дерриг хьайна чудогIуш.
Хьо йиси тIулг хилла,
И дерриг - дIаихна хиш.

Хьо даим лаьттар ю, тIулг санна,
Белахь а гIерташ
Хьан луьра мостагIий
Iаьвдина хи даккха хьох.
Хьо даим ехар ю,
Къонахий мел бу хьан лаьттахь,
Хьо, Дела воцчунна,
Суждане ца ихна мохк.

1995

Батаева Хеда йина 1970-чу шарахь, хьалха СаIди-кIотар олуш хилчу, хIинца ГIойчу олучу юьртахь. Чекхъяьккхина Соьлж-ГIалийн хьехархойн училище а, Нохчийн Пачхьалкхан Университетан филологин факультет а. Дуьххьара зорбане яьлла 1984-чу шарахь "Орга" альманах тIехь.

XS
SM
MD
LG