ТIекхочийла долу линкаш

Дикаев Мохьмад. Дог лозу сан.


Нохчийчоь -- Соьлж-ГIала, чиллан-бутт 1996,

Нохчийчоь -- Соьлж-ГIала, чиллан-бутт 1996,

Дикаев Мохьмад

Дог лозу сан

Гуьйранна мажделла

ГIаш лаьтта оьгуш,

Хета, уьш акхтарган

ГIайгIанна оьгу.

Стиглара, кхевссина,

ДогIанаш оьхуш,

Хета уьш стигланийн

Балано кхоьхьу.

Ткъа латта, мохк бегош,

Топ хилла, лелхаш,

Хета и, даймехкан

Дог оьцуш, доьлху.

Сингаттам боьссича

Готтачу кийра,

Хета и, ненан аз,

Узам беш гIийла.

Дикаев Мохьмад похьмаллийн нохчийн байтанча вара. Иза вина 1941 шеран гезгмашин-беттан 1-чу дийнахь Соьлжа-ГIалахь, кхелхина 1979 шеран гIадужу-беттан 29-чу дийнахь. Дикаев Мохьмадан байташ дуьххьара зорбанехь арайилина 1960 шераш дуьйладеллачу юьххьехь нохчийн маттахь долчу газетийн а, «Орга» альманахан а агIонаш тIехь. Поэтан шен дуьххьарлера жайна арадаьлла 1965 шарахь. «Нохчийн хIусам» яра жайнан цIе.

XS
SM
MD
LG