ТIекхочийла долу линкаш

ЦIеххьана кхаьчна хаам!

Гайтукаева Бана. КIордийна суна яха...


Нохчийн кешнаш
Нохчийн кешнаш

"КIордийна суна яха,

КIордийна хIара дахар,

Кепекан меха ца хета-кх суна"

Ма дукхамма олуш хезна суна...

Амма...

Ма дахлуш хилла-кх и дешнаш,

Бехк боцу дахарна вай йина чевнаш,

Ас хьоьга хийлазза баьхнера "дахар ца деза",

Ткъа тховса и дешнаш легашкахь

Хораман шед хилла сеца.

Кхийтира со цунах,

Лазаро даздинчу бIаьргашчохь

Цхьа можа бIарлагIаш сецча,

Кхийтира со цунах,

Суна дан гIо доцуш, беснеш тIехь

Сецча цхьа маьлхан бIаьрхиш.

ХIун де ас, ма дохкояьлла со, доттагIа,

Лазаро шелдина сан куьйгаш,

Хьайчаьрца дох а дай тховса,

ГIо дехьа, ницкъ эшначу суна

ХIара дахар цкъа маракъовла,

Сел мерза, сел доца вайн дахар

Цкъа маракъовла...

ГIо дехьа..

Гайтукаева Бана нохчийн гояьлла байтанча яра. Иза дуьнен чу яьллера 1959-чу шеран чиллан-беттан 23-чудийнахь ТIехьа-Мартан кIоштан ВаларгтIе юьртахь. 1966-чу шеран гезгмашин-беттан 1-чу дийнахь иза ВаларгтIерчу №1 йолчу юккъерчу ишколе деша. 1986-чу шарахь ишкол а яьккхина, юьртан библиотеке балха хIоьттира. 1986-1991 дийшира Нохч-ГIалгIайн пачхьалкхан университетехь. Оццу 1991-чу шарахь яздархойн Бертан декъашхо хилира Бана. 1994-чу шеран заздоккхучу-беттан 18-чу дийнахь Соьлж-ГIалахь дIаелира Бана.

XS
SM
MD
LG