ТIекхочийла долу линкаш


Гацаев СаьIид

* * * *

Хийла нохчийн кIант
Гена аренгахь
Iилла вити ахь,
Маьлхан кIайн дуьне.
Хийла нохчийн йоI
Латта гIевленгахь
ДIайижий-кха ахь,
Маьлхан кIайн дуьне.
Гена аренгахь,
Латта гIевленгахь,
Маьлхан кIайн дуьне.

Уьш шайн дахаро
Мичахь хьистина,
Ала, дийца ахь,
Маьлхан кIайн дуьне.
Къаьхьа дарий уьш
Дарцо цистина.
Диц ма делахь и,
Маьлхан кIайн дуьне.
Уьш ца хьистина,
Дарцо цистина,
Маьлхан кIайн дуьне.

Церан безамаш
Лаьтто хуьйдина.
Хаьий хьуна и,
Маьлхан кIайн дуьне?
Церан марзонаш
Воно хедийна.
Хаьий хьуна и,
Маьлхан кIайн дуьне?
Вуоно хедийна,
Лаьтто хуьйдина,
Маьлхан кIайн дуьне.

Уьш шайн дахаро
Мичахь хьистина,
Мичахь хьистина,
Маьлхан кIайн дуьне!
Къаьхьчу дарцо уьш
Дера цистина,
Дера цистина,
Маьлхан кIайн дуьне.
Уьш ца хьистина,
Дера цистина,
Маьлхан кIайн дуьне.

Гацаев СаьIид Вина 1938 шарахь Веданахь. Иза поэт, драматург ву. Царех цхьаерш («Бале ваьлла нуц», «Пелхьонаш»). Цуьнан стихаш тIехьдаьхна халкъо дезаш тIеэцна дуккха иллеш ду: «Сан хьоме Нохчийчоь», «Сом хьан варий, Нохчийчоь», «Сийна бIаьсте», «Хьокъаьхьа ловзар», кхиерш композитора Даудов Рамзан, И. Мусхабовс мукъамаш даьхна Темирбулатова Сиржана, Межидов Сахьаба,кхечара дIаолуш долу.

Цуьнан цхьайолу стихаш нохчийн назманийн, узамийн кепехь язийна ю СаIидан. Уггаре евзаш йолчех ю цуьнан ТемирбулатоваСиржана мукъамаш баьхна дIаолуш долу « Алаза дош», «Сан илли», Суна хьо еза», «Лулахо» ,«Сийна бIаьсте».

КХИН А
XS
SM
MD
LG