40 гергга Яблоко партин декъашхо, шайлахь лидер Явлинский Григорий а волуш, лаьцна полицино Оьрсийчоьнан Конституцин де ларалучу шоьтан делкъехь Москох.
Iедало магийна боцу гулам вовшахтохарна лецначаралахь ву иштта Явлинскийн гIовс Митрохин Сергей а. Интернетехь даржийначу суьрташа гойту кхиболу политикаш-оппозиционераш, бакъоларъярхой етташ лоьцуш а – Пономарев Лев, Сатаров Георгий, масала.
2004-чу шарахь дуьйна даздо Оьрсийчоьно Конституцин де. Шоьтадийнахь Президентан Путин Владимиран гоно талхош ду конституцин низамаш, цо адамашна парггIат хетарг дIаала елла дешан бакъо а тIехь, бохура Москох гуламе баьхкинчара.
