Дозанал арахьа веха диссидент, Кремлан критик-оппозиционер Ходорковский Михаил лаца ордер елла Оьрсийчуьрчу кхело. Шен дукхах хан кху муьрехь Лондонехь дIахьош волу иза лаца кхайкхийна Интерполехула, хаамбина Талламан комитетан пресс-секретара Маркин Владимира.
Ходорковскийс дахначу кIиранах Лондонехь прес-конференцехь президентна Путин Владимирна критика ярца долийна оьрсийн талламчаша мехкадаьттан олигарх лаьттинчунна дуьхьал рогIера бехктакхаман дов.
Цара бахарехь, Ходорковский декъахь хилла 20-15 шо хьалха массех цуьнан коммерцин оппонент вуьйш.
