Дуьненаюкъарчу валютан фондо ша декхаре ечу кепехь, шена цо лург ахча латтор долуш хIоттийна Украинано тIедогIучу шеран бюджет. Ял яккхаран хьесапаш хуьйцуш, нахана белхаш латточу компанешна аьттонаш а беш кечдина йолан низамаш парламенто.
Томканах, ягочух, корта бахочу маларх схьаоьцу акцизаш язлур ю тIедогIучу шарахь. Йолан низам баккхийчу къовсамашкахь дийцаредира Украинан Радано, ишта а халачу хьелашкахь беха нах, ткъа хьалхачул а сов естош ю цаьргара оьцунйолу ял, бохура цхьаболчу депутаташа. Амма Дуьненаюкъарчу валютан фондо 17 миллиард ах миллиард доллар гулдендолу бюджет хIотто декхаре йинера Украина.
Бюджет пачхьалкхийн юкъарлоно ма-доьхху тIеэцнехь а, юкъ-кара нахера оьцу ял лах а еш болхбийр бу пачхьалкхо, боху Украинан куьйгалхоша шаьш бюджет тIеэцарца халкъе динчу дIахьедарехь.