Кхаарийдийнахь Пакистанерчу Чарсадде гIаларчу Бача Хан университетан Iойлехь 21 дешархо вийначу тIалибийн тобано дIахьедина, ша махкарчу доьшийлашна тIелетарш кхидIа а дийр ду, аьлла. ПIераскана интернетехула и хазийнарг ву ТехIрик-и-ТIалибан шех олучу тобан халиф Мансур Iумар.
«Доьшийлаш АллахIан каламна дуьхьал хIиттийна бенаш бу», школаш, колледжаш, университеташ шаьш кхидIа а хIаллакйийр ю боху тIалибаша. Мансур Iумаран тобано шена тIеийцира лурчаха Пешаварехь школанна тIелетта I50 бер а, хьехьархо а вер а.
