Шемарчу оппозицин коьрта организаци реза хилла Женевехь машаран дийцаршкахь дакъалаца. Цунах лаьцна хаам бина Iаьрбийн керланийн телеканало "Аль-Арабия аль-Хьадат".
Цо дийцарехь, Шемара Лаккхарчу дийцарийн комитето бина и сацам, Iамеркин Цхьаьнатоьхначу Штаташца а, Цхьаьнакхеттачу Къаьмнийн Организацица а дагаяьллачул тIаьхьа. Шемарчу Iедалан векалийн а, оппозицин векалийн а дагадовларш дIадуьйладелла ПIераскан дийнахь.
Хьалхо хаамаш баьржира цигахь дакъалоцуш Дуьненаюкъараллан Шемахула волу леррина векал де Мистура Стаффан а, Шеман Iедалан делегаци а бен кхин цхьа а вац аьлла.
Шемарчу оппозицина тIехIоьттина ю Саудин Iаьрбийн пачхьалкх. Оппозицин декъашхой Женеве баха лууш бацара Iедалан ницкъаша го бинчу гIаланашна гуманитаран гIо дан доладаллалц.