ТIекхочийла долу линкаш

Украинин парламентан коалицина юкъара дIаяьлла "Самопомощь" фракци


Украинин парламентехь алсам депутаташ болчу тобанна юкъара яьлла «Самопомощь» олу фракци. Цунах лаьцна Еарин дийнахь Киевехь хаам бина цу фракцин лидеро Березюк Олега.

Цо дийцарехь, фракцин берриг а декъашхоша тIе куьйгаш а таIийна дIахьедар хьажийна Лаккхарчу Радан куьйгалхочуьнга Гройсман Владимирга, шаьш коалицина юкъара довлуш хилар хоуьйтуш.

«Самопомошь» партин депутаташ а, «Тимошенко Юлиян «Батькивщина» партин депутаташ а коалицина юкъара бовларх лаьцна официалан кепара хаам бан безаш ву Гройсман. Цул тIаьхьа йоьхна лоруш хир ю карарчу ханахь Лаккхарчу Радехь йолу коалици.

«Порошенко Петрон блок» а, «Яценюк Арсенийн «Халкъан фронт» а шина фракцин кхаьжнаш тоьаш хир дац парламентехь сацамаш тIеэца. Иза ду Украинин куьйгалхочо Порошенко Петро, парламент дIаса а хецна, керла Лаккхарчу Радан харжамаш кхайкхор бу бохург.

XS
SM
MD
LG