Оьрсийчоьнан ГIирма дIалаьцна ши шо кхочуш Чехин а, Словакин а юкъараллийн векалша схьадиллина кехат дахьийтина Украинин махкахошка.
Цу кехатан авторша билгалдоккху 2014-чу шарахь Чиллан-беттан 20-чу дийнахь Оьрсийчоьнан аккупацин армино тешна бехкаца ГIирма дIалаьцна хилар а, ницкъаца иза шайн пачхьалкхах дIатоьхна хилар а.
Чехийн а, словакийн а бевзачу юкъараллийн жигархошна хетарехь украинахошна хьалха ши некъ бу. Царах цхьаъ бу маршоне боьдуш, ткъа важа некъ бу, Оьрсийчура режимо Украина дIа а лаьцна, ницкъ баре буьгуш.
