ТIекхочийла долу линкаш

Венехь тIедогIучу кIиранах цхьаьнакхетар бу Ломара Карабахаца йоьзна конфликт дIаерзо кхоьллинчу Минскера олучу тобан декъашхой. Иза доьзна ду цу регионера хьал чолхечу даларца. Азербайджан а, Эрмалойчоь а вовше бехкаш дохкуш ю конфликт йолчу зонехь маслаIат дохорна.

Хьал чолхечу даларна Эрмалойчоь бехке йина Азербайджанан арахьарчу гIуллакхийн министралло. Эрмалойчоьнан тIеман министралло дIахьедар дина, Азербайджанан арми тIелетта шайна яккхийн тоьпаш а етташ, гIагIдиллина техникех а, авиацехь а пайда а оьцуш аьлла.

Шоьта дийнахь Оьрсийчоьнан президенто Путин Владимира кхайкхам бина шина агIоне сихха герз деттар саца а де, сатухуш а хила аьлла. Ткъа Оьрсийчоьнан тIеман министро Шойгус телефонехула дийцаре дина цу регионера хьал меттадало дан оьшург Эрмалойчоьнан а. Азербайджанан а тIеман министршца.

ПIераскана дийнахь Вашингтонехь Iамеркин вице-президенто Байден Джос шен хиллачу цхьанакхетаршкахь кхайкхам бинера Азербайджанан а, Эрмалойчоьнан а лидершка Ломара Карабахера дов машарца дIадерзаде аьлла.

XS
SM
MD
LG