Беларусан арарчу гIуллакхийн министра Уладзимер Макей дIахьедар дина Беларус а, Оьрсийчоь а чIогIа саготта ю Цхьаьнатоьхна Штаташа Малхбалерчу Европехь баллистикан ракеташна дуьхьалоечу Атлантикан альянсан турсашлахь объект хIоттон йолорна, аьлла.
Макейс и комменташ йира стигалкъекъачу 16-чу дийнахь шен Минскехь Оьрсийчоьнан арарчу гIуллакхийн министарца Лавров Сергейца цхьаьнакхетар чекхдаьллачул таьхьа. Лаврова Беларусан президентца Лукашенко Александрица а дIадаьхьара дийцарш. Макейа тIеьтуьхира Беларус а, Оьрсичоь а реза хилира Цхьаьнатоьхначу Штатийн турс Малхбалерчу Европехь дIахIотторан “дуьхьал барамаш” бийцаре бан, аьлла.
Оьрсийчоьно хадазза дIахьедо турсах бахьана а дина, НАТО шен дозана гергга ян Iалашо ю, бохуш. Вашингтоно турс дIахIотторан бахьана ГIажарийчоьнан кегийчу а, юккъерчу а геналлин ракеташна дуьхьалояр а, Европа царах ларъяр а ду боху.