ТIекхочийла долу линкаш

Батаева Хеда


Некъ кхачабелча

Некъ кхачабелча,
Ас кхин некъ буьллур бу,
Хьун кхачаелча,
Ас дитташ дугIур ду.

Аьнгалин бошхепахь
Ца баьлла бай буьйцуш,
Са кхачалучохь,
Цхьа илли кхуллур ду.

Ас сийна ойла
Мукъаме ерзор ю,
Ас можа гуьйре,
ГIаш Iенош елхор ю.

Ас цIеран меттана
Сайн дог а латийна
Сайна тIебогIу
Некъ серлабоккхур бу.

Сан бIаьргийн серло
Кхоьлина хеталахь,
Суна тIебогIу
Некъ ахь ма биталахь.

Сан бIаьргийн серло
Бодано мийлина,
ГIелделла бIаьргаш
БIаьрахиш къийлина

Батаева Хеда йина 1970-чу шарахь, хьалха СаIди-кIотар олуш хилчу, хIинца ГIойчу олучу юьртахь. Чекхъяьккхина Соьлж-ГIалийн хьехархойн училище а, Нохчийн Пачхьалкхан Университетан филологин факультет а. Дуьххьара зорбане яьлла 1984-чу шарахь "Орга" альманах тIехь.

XS
SM
MD
LG