Шемарчу зорбанаша хаамаш барехь, шоьтадийнахь Демаьшканна йистехь динчу эккхийтаршкахь ши стаг вийна, иттанашна чевнаш йина. Шиннах цхьа эккхийтар дина Iожалхочо ша шен вуьйш, шолгIаниг машенчохь.
Шиийташа лоручу Сайида-Зейнаб маьждигна чувоьддучехь дина и зуламаш. Шемахойн бакъоларъяран Британерчу тобано чIагIдарехь, мел лаххара а вийнарг 9 стаг ву, 30-нна кеп-кепара чевнаш йина.
Шемарчу гIаттамхоша кест-кеста до Сайида-Зейнаб маьждигна тIелатарш, цхьадолу лелхийтарш шайна тIе лоцу «Исламан пачхьалкх» шайх олучу тобано.
