Ша кестта Нохчийчу адамийн бакъонашца долу хьал талла яха лерина ю боху «Интерфаксехула» дукха хан йоццуш Оьрсийчохь бакъонийн тергоян тIейиллинчу Москалькова Татьянас.
«Таханенна цигахь пахчхьалкхан цIарх адамийн бакъонаш тергоен махькIамхо вац, керланиг хIотторан хьокъехь ойла ян езаш а ю со», аьлла Москальковас. ХIинццалц цо дуьйцучу даржехь Iийначу Нухажиев Нурдин мандат кхачийна. Кеста билгалвер ву цуьнгара дарж дIаоьцург.