ОвхIанистанан къилбанерчу Гилмен провинцин коьртачу Лашкар ГIахI гIала кхаарийдийнахь эскар оьзна мехкан Iедало, иза тIалибаша яккхарна кхоьруш. Оцу лаьттан губернаторо Iатал Керима дIахьедина, шайн шахьар гонехь ю, Iедалан ханаш юхадевлира тIалибашка хIаллак ца дайта, аьлла.
Ткъа хIинца, цо бахарехь, гIоьнна кхаьчначу керлачу ницкъаша дIакъевлина гIаличу боьлху некъаш, оцу бахьанийца кхачан мехаш Лашкар ГIахIехь лакхабевлла. Iамеркан а, овхIанистанан а кеманаша ракеташ етташехь, тIалибаш ларабелла провинцин шахьар а, кхин цхьа гIала ГIармсер а гоне лаца. Иштта тIемаш бара боьлхуш кхаарийдийнахь провинцерчу Наде-Iали гIалина гонах а.