***
Юх-юха йолуш,
ЦIаро шех дIавола, олу.
Юх-юха богIуш,
ТIамо шех дIавола, боху.
Юх-юха Iенош -
ЦIий, боху, зезагаш хета.
Юх-юха доху
Синош а - кхокхарчий хета.
Со дIа ца вулу,
Суна и ишта ца хета.
Со дIа ца вулу -
Сан даг чохь бисна къинхетам.
ОьгIазло тоьлла,
Сан даг чохь гIеллур бац безам.
Дахарал тоьлла,
Сан даг чохь лаьттар дац тезет.
Сан цIа ду догуш -
Ас илли олу.
Сан са ду догуш -
Со хелхаволу.
Сох дог а дуьллуш,
Пурба дац дIадаха, дахар!..
Ас вала дуьллу-кх,
Чалтачаш,
шул дукха ваха!