***
Чудирзина чудерза мел дезарг,
Чу ца ерза, яха гIаргIулеш.
Сан а хIума дац кхин арахьийза,
Маьлхан, беттан ражехь гIаролдеш.
Со дIавуьсу хIинца беа пенна,
Тхевнах тешош деган сийна гIаш.
Соьца дуьсу и сан маьлхан гIенаш,
Тхига, баце сан сатийсамаш.
Хаьа юхайогIур юйла бIаьсте,
ЮхайогIур юйла гIаргIулеш,
Амма дац сан цкъа а, царах къаьсташ,
Уьш кхин сайна гур ю ала дош.
Деган шо сайн гIаргIулеша долош,
ГIаргIулеша чекх а доккхуш и,
ХIоразза а, ваха юкъахволуш
Санна, доккху ас мел доккху Iа.