ТIекхочийла долу линкаш

***

Чудирзина чудерза мел дезарг,

Чу ца ерза, яха гIаргIулеш.

Сан а хIума дац кхин арахьийза,

Маьлхан, беттан ражехь гIаролдеш.

Со дIавуьсу хIинца беа пенна,

Тхевнах тешош деган сийна гIаш.

Соьца дуьсу и сан маьлхан гIенаш,

Тхига, баце сан сатийсамаш.

Хаьа юхайогIур юйла бIаьсте,

ЮхайогIур юйла гIаргIулеш,

Амма дац сан цкъа а, царах къаьсташ,

Уьш кхин сайна гур ю ала дош.

Деган шо сайн гIаргIулеша долош,

ГIаргIулеша чекх а доккхуш и,

ХIоразза а, ваха юкъахволуш

Санна, доккху ас мел доккху Iа.

Абдулаев Леча

Леча Шарипович Абдулаев (1953, Чиллан-беттан 15 - гIа де ) — нохчийн яздархо, поэт, публицист, гочдархо, Нохчийн Республикан а, Оьрсийчоьнан а яздархойн Кхеташонан декъашхо, Нохчийн Республикан а, ОЬрсийчоьнан журналистийн Бертан декъашхо, Нохчийн Республикан Халкъан поэт.

XS
SM
MD
LG