ТIекхочийла долу линкаш

***

Со хаза гIенаш гуш Iашшехь,

Сан бIаьргаш хийцина техьа?

Я говрахь бина, я - гIаш а

Некъ боцуш, валаза кех а,

Кху махка со муха кхаьчна?

Со хаза гIенаш гуш Iашшехь,

Я хIара урамаш, некъаш,

Хьан девза и адамаш а

Хийцина, сан дог, хIай, пекъар?

Со хаза гIенаш гуш Iашшехь...

Я хIинца гург ду те гIенах?

Я гIан ду техьа сел ирча?

Я мохк бу техьа сел хийра?..

Со сихло цкъа самавала -

Сама ца валало самах!

Со цIаван тохало,

амма

Некъ бац-кха

цIера

цIавалон.

Абдулаев Леча

Леча Шарипович Абдулаев (1953, Чиллан-беттан 15 - гIа де ) — нохчийн яздархо, поэт, публицист, гочдархо, Нохчийн Республикан а, Оьрсийчоьнан а яздархойн Кхеташонан декъашхо, Нохчийн Республикан а, ОЬрсийчоьнан журналистийн Бертан декъашхо, Нохчийн Республикан Халкъан поэт.

XS
SM
MD
LG