ТIекхочийла долу линкаш

**
Цхьаъ сийсаз ца вича,
Вайн сийлахь вацахь,
Коша тIе ца ваьлча,
Вайн лекха вацахь,
Умматан дегI декъна
Тобанан хилла,
Лекха хир ваций ша,
Сийлахь хир ваций.

Ломан юьхь ца яьхча,
Охьара вацахь,
РегIан юьхь ца яьхча,
Хьалара вацахь,
Даймехкан дегI декъна,
КIоштан стаг хилла,
Хьан воI хир ваций ша,
Ваша хир ваций...

Ворда ца йоьхча,
кхин
Дорс хуьлуш дацахь,
Сту белла ца хилча,
Пхьор хуьлуш дацахь,
Мохк бухуш кхаьчначу
Байн декъахь тешна,
Вуза а ваций ша,
Виса а ваций...
Абдулаев Леча

Леча Шарипович Абдулаев (1953, Чиллан-беттан 15 - гIа де ) — нохчийн яздархо, поэт, публицист, гочдархо, Нохчийн Республикан а, Оьрсийчоьнан а яздархойн Кхеташонан декъашхо, Нохчийн Республикан а, ОЬрсийчоьнан журналистийн Бертан декъашхо, Нохчийн Республикан Халкъан поэт.

XS
SM
MD
LG