Шемахь дарбанцIенна тIе кеманаша динчу тIелатаро вийна лаххара а 4 лор. Аллеппона гергарчу Хан-Туман гIалахь шинарийдийнахь дина и зен, дуьненаюкъарчу лоьрийн юкъаралло бечу хаамца. Ткъа Лондонерчу Шемин бакъоларъярхойн обсерваторино вийнарг 13 стаг ву аьлла даржийна, 4 царех лор а волуш.
Иштта оцу дарбанцIачохь вийна човйина Iуьллу 9 «Джабхат Фатх ал-Шам» тобанера гIаттамхо а. Оршоьтадийнахь гуманитаран ковранна тIе авиатохар дина 20 маьрша вахархо вийначу меттигна гергахь лаьтта Хан-Туман гIала.
Оцу дийнахь дуьйна гуманитаран гIо Шема кхачор сацийна Цхьанакхеттачу Къаьмнийн организацино.