ТIекхочийла долу линкаш

Алиев ГIапур

Нохчо

Гузуев Хьуьсайнан безамна

Елхалахь, елхалахь, елхалахь, езар,
Ас хьайга дийцинарш дага а лаций.
Хьайн дагна Іийжамаш сох бисна алий,
Елхалахь, мохь тоххий, нахала ялий.

Сан каш тІехь елхалахь, елхалахь, езар,
Сан кІорнеш тІаьхьара елха а еш.
Эзарнаш ас йина ойланаш агий,
Елхалахь, мохь тоххий, нахала ялий.

Хиллачех, хирдолчех елхалахь, езар,
Сох диснарш дерриге дагар а дай.
Со ала цакхиънарг диканна алий,
Елхалахь, мохь тоххий, нахала ялий.

Елхалахь, мохь тоххий, елхалахь, езар,
Ас цкъа а цадинарш ас дина алий.
Ас динарш дерриге хьайн дуьхьа ларий,
Елхалахь мохь тоххий, нахала ялий.

28.II.1994 шо

Алиев ГIапур (1949 шеран 2 январь2011 шеран 16 март, Соьлжа-ГӀала, Нохчийн Республика) — нохчийн поэт, бард, драматург, Нохч-ГӀалгӀайн АССР культуран Сийлахь гӀуллакххо, Оьрсийчоьнан яздархойн Кхеташонан декъашхо, Оьрсийчоьнан журналистийн Кхеташонан декъашхо, Оьрсийчоьнан театран гӀуллакхойн Кхеташонан декъашхо.

XS
SM
MD
LG