87 къайлахчу сервисан белхахо даржашкара вохийна Туркойчохь, уьш яхначу аьхка карчамхошкахьа хилла аьлла. Айдина 52 бехкталламан гIуллакх. Хьалхо иштта ваьккхира балхара къайлахчу сервисо ша чоьхьара талламаш беш а 140 стаг.
Махкахь карчамбан гIоьртинчу, ша Iаьмерке шен каравалар доьхучу Гюленца юкъарлонашкахь хиларна бехкебо и нах Хонкаро. Шинарийдийнахь оццу бахьанийца лаца кхайкхийна Туркойчохь цхьана сагIадечу юкъарлонера 120 белхахо а. 18 кIоштахь рейдаш дIахьош ю полици.
ХIетахь, Товбеца-бецан беттан 15-чу дийнахь кхочуш ца хиллачу карчамехь вийра 241 вахархо. 18 эзар стаг лецира, иттаннаш эзарнаш белхашкара бохийра. Ткъа талламаш, лецарш дац севцца хIинца а.