ТIекхочийла долу линкаш

ТIаьххьара Ленинан хIоллам дIабаьккхина Украинехь


Украина -- Ленинан монумент, Новгород-Северский, Чернигов. 2016 шо.

Украина -- Ленинан монумент, Новгород-Северский, Чернигов. 2016 шо.

Украинехь дIадирзина Ленинан хIолламаш дIабахар. Эспрессо.TV телеканало бинчу хаамца, тIаьххьара (иза официалан кепара тIечIагIдина дац) Ленинан монумент дIаяьккхина Черниговн областерчу Новгород-Северский-гIалахь.

И йоьза хIоллам хIинца бухкур бу аукционехь. Нагахь эцархо цавалахь иза лалор бу, хаам бо талеканало.

Декоммунизацехь лаьцна низам тIеэцна Украинин Лаккхарчу Радано 2015-чу шарахь бIаьста. Цуьнца а догIуш, цу махкахь дIабаха безаш бу коммунистийн баьччанашна хIиттийна хIолламаш.

Кху аьхка Украинин вице-премьеро Кириленко Вячеслава хаам бира, эзар Ленинан хIоллам дIабаьккхина шаьш, амма кхин а оццул бисина аьлла.

XS
SM
MD
LG