Оьрсийчоьно федералан лехамашкахь волчу Соьлж-ГIалин 31 шо долчу вахархочунна Абдурахманов Тумсона политикан тховкIело ца елла Гуьржийчуьрчу мигрантийн гIуллакхашкахула йолчу урхалло. Нохчийчуьрчу Iедалера шен дахарна кхерам буйла хиича дезна нохчочун Гуьржийчу вада. ГIадужу-Беттан 31-чу дийнахь Гуьржийчоьно бовзийтина мухIажир тIе ца лаца шаьш бина сацам.
«Кавказан узел» агенталлин долахь ю Абдурахманов Тумсон дехарна дуьхьало йинчу кехатан копи.
«Абдурахманов тхан пачхьалкхехь витар цхьанадогIуш дац Гуьржийчоьнан интересашца» аьлла ду дуьхьалояран бахьана.
