ТIекхочийла долу линкаш

Допинг лелочарна дуьхьал низам тIеэцна Оьрсийчохь


Спортехь допинг лелочарна дуьхьал бехктакхаме гIуллакх айдар магош низам тIеэцна Оьрсийчоьнан Думано. Хьалхо оцу низамехь пачхьалкхо цхьацца хийцамаш бинера, таIзар дайдеш. «Интерфакс» агенталло бо и хаамаш. Оцу низамца догIуш, допингах пайдаэца спортхо тIеверзийначу тренерна я говзанчана гIуда тухур ду 300 эзар сом гергга, я балхара вохор ву, я шо гергга хан тухур ю набахтехь яккха.

Допинг лелийначу спортхочун тренерна 1 миллион гергга гIуда тоха йиш хир ю. Нагахь санна, низамаша йихкинчу молханех пайдаэцначул тIаьхьа и атлет валар нисделлехь, 3 шаре кхаччалц хан йогIу тренерна а, спортан медицинан говзанчана. Iедало къайла а кхоьхьуш Оьрсийчоьнан спортхошлахь допинг лелош хиларх артикл арахийцира Дуьненаюкъарчу антидопинган агенталло кху шеран аьхка.

Оцу бахьанашца бIеннашкахь оьрсийн спортхошна дихкира Рио-де-Жанейрохь дIахьочу Олимпан ловзаршкахь дакъалаца. Оьрсийчоьнан паралимпхойн тоба ерриг а юкъа ца йитира ловзаршка.

XS
SM
MD
LG