ТIекхочийла долу линкаш

* * *

ХIунда ю со, хаац, даим

Самукъане хьоьца?:

– Хьо хиларна суна

Сайн сил дукхавезаш.

Деган безам, сан эсалниг

Хьо ца хилча соьца,

Сан сагатло, са бIарзделла

ГIайгIане со хьийза.

Хьо цхьаъ ву даго хаьржинарг,

Цунна кхин ца оьшу.

Ас хьан ойла дукха ярна,

Наб яйна со лела.

Оццул хала, мерза безам

Сан дагна а белла,

Кхоллам, ахь со мича юьгу?

ХIунда синтем бохий?

Сох безаман йийсар хилла,

Ойла акхаяьлла.

Суна меттиг кара ца йо

Суо-сайх къайлаяла.

Некъах тилла, цхьанхьа-м кхерста

Ойла юхаерзац.

Со безаман гуро лаьцна,

Хьаьрчина гезгмаша.

Аткаева Луиза

Аткаева Луиза кхузаманахьлера нохчийн байтанча ю.

XS
SM
MD
LG