Москохарчу Москворецкан тIайтIехь политикна, оппозиционерна Немцов Борисна хIоттийначу хIолламна гонахара зезагаш, чIурамаш дIадаха баьхкинчу коммуналан белхахошна новкъарло ярна полисхоша дIалаьцна жигархо Фатов Надир. Бакъоларяран «ОВД-Инфо» портало бина и хаам. Дахначу шеран Чиллан-беттахь вийна Немцов.
Политик вийначу меттехь халкъо хIоллам бара хIоттийна. ХIетахь дуьйнна Iедало а, Кремалан агIончаша-жигархоша а мосийтазза хIаллакбинера иза, ткъа цунна ха ден бахархой полицино лоьцура.
Гезгамашин-баттахь Москоан мэри 30 эзар стага куьйгяздина дехар дахьийтира, оппозиционер вийначу тIайтIехь Немцовн цIарх цхьа билгало яйтахьара аьлла. Хьасташа дийцарехь, гIалин Iедалан лаам бац тергоне эца политик вер.