Киевехь Маршонан майданахь дуьхьалонан манифистацийн декъашхой байина 3 шо кхачарна хьажийна акци дIаяьхьна Украинан националистийн агIончаш. КIирандийнахь масийтта бIаь стаг араваьллера цигахь Iедалшка Донбассерчу сепаратисташа Iуналла дечу территорешца йохка-эцар лелор сацор доьхуш.
Тасадаларш хилла полисхойн а, демонстрантийн а Институтан урамехь. Пхи стаг дIалаьцна. Царна юкъахь ву Украинан националистийн организацин куьйгалхо Коханивский Николай.
Киеве тIеозийна ду полицин а, Къоман гвардин а керла дакъош. Iедалша чIагIдарехь, гIалин юккъехь хIоьттина хьал лортIе далийна ницкъаллин структураша.
