ТIекхочийла долу линкаш

ЦIеххьана кхаьчна хаам!

"Массо а "завалить" вина, дика гIуллакх хилла" (аудио)


Де делкъене лесташ а, тIаьхьо а Соьлж-ГIалин Старопромыслан кIоштахь шина машенахь хаабелла герзахой леца араяьллера полици. ТIаьхьо оцу кIоштарчу кешнашна гергахь герзийн кхиссарехь вийна полицино 5 стаг, 1 дийна каравахана.

Хаам баржийна мехкан администраторо Кадыровс. Яхначу буса 4 вуьйш, 2 лоцуш дIаяьхьначу операцин тIахьало ю кIирандийнаниг, аьлла цо "Интерфаксе".

"Кавказан Узеле" Нохчийчоьнан полицера бинчу хаамца, 4 полисхо а велла кIирандийнан тIематасадаларехь, ТIемалошца уьйрахь хилла аьлла, лаца лохуш ву полицино кхин а иттех стаг.

Буса виъ а вуьйш, лаьцначу шиннах цхьа ю, хаамбарехь, 18 шо долу йоI Мадина. Дарбан цIийнехь лоьралла деш цуьнан ког баьккхина, хаийтина полицино.

Буса байинчийн цIерш ю Ильясов Мохьмад, Альтемиров Ислам, Исмаилов Сайд-ИбрахIим. Лазийна лаьцна Юсупов Асхьаб. Ткъа дийнахь вийначу 5 цIерш цкъачунна ца яьхна полицино.

Лаца кхайкхийна 20-22 шераш долу Мамаев Истамул, Мажаев ИбрахIим, Минтаев Хаматхан.

“Маршо Радион” доттагIий, шун аьтто бу тхан Facebook-ерчу аккаунтах пайда а оьцуш, тхан дискуссехь дакъалаца. Шун комменташна модераци ян эшарна, уьш сайтехь жимма тIаьхьо гучуевр ю. Нагахь санна тхоьга яийта шайн видео а, аудио а материалаш елахь, шун аьтто бу иза кху телефонца WhatsApp-e я Viber-e схьаяийта: 420 724 019832

XS
SM
MD
LG