ХIора шарахь гайта кховдийначу эзарнаш кинойх тоьлларш къастайо. ХIокху шарахь кинойн фестивалехь гайта къастийна Магомадов Русланан «ЦIа» це йолу кино. Киношъяхархо ша а хир ву цу фестивалехь.
«ЦIа» кино чохь гойтуш дерг боккъалла а хилла хIума ду. Йохийначу, тIамо дакъаяьккхинчу гIалахь ша висинчу стагах лаьцна ю иза. И стаг цхьанна оьшуш вац. Цуьнан ваха метиг яц. Деккъа и цхьа цIа ду цуьнан дисина.
Хьалхуо Казанехь дIаяьхьначу бусулбан кинойн Дуьненаюкъарчу фестивалехь тоьллачех ю аьлла къастийна а ю иза. Цул а хьалха иштта лакхара мах хадийнера цуьнан Iамеркан Цхьанатоьхначу Штаташкахь хиллачу кинофестивалехь Kinofest NYC. Германехь, Коттбусехь дIаяьхьначу Дуьненаюкъара кинойн фестивалехь леррина совгIат кхаьчна кино а ю Магомадов Русланан кино.
Цул сов «ЦIа» кино гина Италехь, Тайландехь, Эстонехь, Гуьржийчохь, Испанехь а хиллачу кинофестивалашкахь.
ХIокху шеран Зазадоккху баттахь Руслан Англера Манчестере кхайкхина ву рогIерчу кинойн фестивале.
Карарчу хенахь Роттердамехь дIайоьдучу фестивалехь тоьллачех лерина кинош йовзуьйтур ду Чиллан беттан 1-чу дийнахь.
«ЦIа» кинога хьажа йиш ю интернетехь http://www.youtube.com/watch?v=pRazcxWgSYA
Цул сов, Руслан хинца керла кино яккха дагахь ву нохчийн цIерабахарх лаьцна. 1944-чу шарахь нохчий цIерабохучу хенахь шина вешех хилларг дийца Iалашо йолуш ю иза. Дийцарехь, Нохчийчохь кастинг (актераш къастош) дIахьур ю Нохчийчохь.
Роттердамерчу кинойн фестивалан сайт - http://www.filmfestivalrotterdam.com/en/films/dom-tsah/
«ЦIа» кино чохь гойтуш дерг боккъалла а хилла хIума ду. Йохийначу, тIамо дакъаяьккхинчу гIалахь ша висинчу стагах лаьцна ю иза. И стаг цхьанна оьшуш вац. Цуьнан ваха метиг яц. Деккъа и цхьа цIа ду цуьнан дисина.
Хьалхуо Казанехь дIаяьхьначу бусулбан кинойн Дуьненаюкъарчу фестивалехь тоьллачех ю аьлла къастийна а ю иза. Цул а хьалха иштта лакхара мах хадийнера цуьнан Iамеркан Цхьанатоьхначу Штаташкахь хиллачу кинофестивалехь Kinofest NYC. Германехь, Коттбусехь дIаяьхьначу Дуьненаюкъара кинойн фестивалехь леррина совгIат кхаьчна кино а ю Магомадов Русланан кино.
Цул сов «ЦIа» кино гина Италехь, Тайландехь, Эстонехь, Гуьржийчохь, Испанехь а хиллачу кинофестивалашкахь.
ХIокху шеран Зазадоккху баттахь Руслан Англера Манчестере кхайкхина ву рогIерчу кинойн фестивале.
Карарчу хенахь Роттердамехь дIайоьдучу фестивалехь тоьллачех лерина кинош йовзуьйтур ду Чиллан беттан 1-чу дийнахь.
«ЦIа» кинога хьажа йиш ю интернетехь http://www.youtube.com/watch?v=pRazcxWgSYA
Цул сов, Руслан хинца керла кино яккха дагахь ву нохчийн цIерабахарх лаьцна. 1944-чу шарахь нохчий цIерабохучу хенахь шина вешех хилларг дийца Iалашо йолуш ю иза. Дийцарехь, Нохчийчохь кастинг (актераш къастош) дIахьур ю Нохчийчохь.
Роттердамерчу кинойн фестивалан сайт - http://www.filmfestivalrotterdam.com/en/films/dom-tsah/