ТIекхочийла долу линкаш

ЦIеххьана кхаьчна хаам!

Дагалаьцнарг вон дац, кхочуш хилахь...


Нохчийчоь - Мехкадаьтта доккху меттиг. 17Марс.2002
Нохчийчоь - Мехкадаьтта доккху меттиг. 17Марс.2002

Genoil цIе йолу Канадера компани дагахь ю Нохчийчура мехкадаьтта доккху меттигаш юхаметтахIитто а, уьш кхиийта белхаш бан а. Цу хьокъехь цу компанин векалша лааман барт бина меттигерчу «Грознефть» компанин куьйгалхошца.

Цу проектаца а догIуш, Нохчийчохь хIора дийнахь доккхучу мехкадаьттан барам хир бу 3,5 миллион черма.

http://www.oilandgas360.com/genoil-signs-us50-billion-letter-of-intent-to-develop-and-construct-upgrading-and-energy-projects-in-russia-and-chechnya/

Genoil компанино лелош ю гидроконверсин олу эвсаре технологи. Цунах пайда эца дагахь ю иза Нохчийчохь. Цул сов, Китайра компанешца цхьаьна консорциусм а кхоьллина, мехкадаььтта чекхдоккху завод кхолла ойла а ю Genoil-ан.

Цу компанин векалша бинчу хаамца, цуьнан аьтто хир бу хIора шарахь 6 миллион черма мехкадаьтта чекхдакхха. И проекташ кхочуш ян оьшуш долу ахча лур ду Китайра а, Оьрсийчура а цу проектехь дакъалаца луучу компанеша.

Оццу компанеша ахча а луш Нохчийчохь йийр ю мехкадаьтта дIакхачо оьшуш йолу биргIанаш а. Цу ерриг а проектийн мах хIоттийна 50 млрд. доллар.

Genoil ю экологин цIена технологи лелорца дуьненна а евзаш йолу компани. Канадехь а, Iамеркехь а хилла ца Iаш, чуьнан офисаш ю дерриг а дуьнентIехь.

Genoil-ло кехат тIехь а ца юьтуш Нохчийчура проект кхочуш яхь, цо республикана вуно боккха пайда бохьур бу. Амма...

Кху тIаьхьарчу масех шарахь Нохчийчохь дуккха а хилла цига инвестицеш ян лууш болу кхечу пачхьалкхашкара бизнесхой.

Иштта 2012-чу шарахь Туркойчура Universal Hospitals Group (Universal Hastaneler Grubu) компанино барт бира Нохчийчура Iедалшца дарбанан хIусамаш ярца йоьзна проект кхочуш ян йоло.

http://www.kavkaz-uzel.eu/articles/I96658/

Цкъачунна и проект кхочуш ян йолийна хиларх лаьцна цхьа а хаам каро аьтто бац. Бакъду, проект лерина ю 30 шаранна. Цундела, тIедогIучу 26 шарахь кхочуш ян а мега иза.

2013-чу шарахь Нохчийчу баьхкинера Къилба Корейра бизнесхой. Церан Iалашо яра республикера цхьамогIа индустрин инвестицин проекташ кхочуш еш дакъалаца.

Нохчийчоьнан индустрин а, энергетикан а министраллан векалша йийцаре йира Къилба Корейра хьешашца цхьамогIа проекташ. Царна юкъахь яра жим а, киралелон а машенаш ярх а, телефонаш йон а, серло лон чиркхаш дон а, цемент йоккху а заводаш яхкарх лаьцна проекташ.

Цкъачунна билггала кхочуш йина хилар хууш цхьа проект ю. Къилба Корейра «Кокам» компанино а, ОАО «Чеченнефтехимпромо» Ташкалахь йина литий-ионан аккумуляторш йон завод. ХIинца коьрта Iалашо ю уьш оьшуш болу нах карон.

Иштта, Нохчийчохь цхьацца проекташ кхочуш ян дагахь бара Китайра а, Словенера а, Iаьрбийн пачхьалкхашкара а бизнесхой.

Дагалаьцна дуккха а планаш хиллехь а, Iедалшна ма тоьтту инвестицеш эцна кхеча пачхьалкхашкара бизнесхой чубало аьтто ца баьлла.

Иза гойтуш ю Нохчийчура инвестицин проектех лаьцна дуьйцуш йолу сайт.

http://chr-invest.ru

Цигахь дуккха а дика проекташ ю, амма уьш кхочуш ян ахча дац.

ДIабаханчу ГIадучу-баттахь Нохчийчоьнан куьгалхочо Кадыров Рамзана дIахьедар дира, дуьненаюкъаралло Оьрсийчоьнна дуьхьал кхайкхийначу санкцеша новкъарло йина Нохчийчура экономика кхиарна аьлла.

http://inforu.news/20I6/I0/2I/kadyrov-rasskazal-kak-sankcii-pomeshali-razvitiyu-chechni/

«Тхан Iалашонаш, планаш хуьлу, амма тхан доттагIий боцучу наха, ма дарра аьлча, тхан мостагIаша цхьацца гIулчаш йоху, санкцеш кхайкхайо. Цундела аьтто ца болу тхан тхайн лаам кхочуш бан», - боху Кадыровс.

“Маршо Радион” доттагIий, шун аьтто бу тхан Facebook-ерчу аккаунтах пайда а оьцуш, тхан дискуссехь дакъалаца. Шун комменташна модераци ян эшарна, уьш сайтехь жимма тIаьхьо гучуевр ю. Нагахь санна тхоьга яийта шайн видео а, аудио а материалаш елахь, шун аьтто бу иза кху телефонца WhatsApp-e я Viber-e схьаяийта: 420 724 019832

XS
SM
MD
LG