ТIекхочийла долу линкаш

Керимов Iаьлви: Нохчийчохь гомосексуалисташ байина бац, …уьш цигахь банне а бацарна


Гомосексуалисташ Нохчийчохь цхьаммо а ца хьийзабо, уьш гучубовллушехь, бойу гергарчара, аьлла Кадыровн пресс-гIоьнчас Керимов Iаьлвис, махкахь и тайпа гучубевлларш хьийзабо аьлла прессехь яьржинчу информацина комментари луш.

«Прессехь яздийриг – аьшпаш бу, махкахь воцург лаца а лур вац, хьийза а валур вац»,- аьлла Каримовс "Интерфаксе".

Нагахь санна республикехь харц кепехь лела божарий я зударий бовлахь, уьш шайн доьзалша бойур бу, аьлла хета Кадыровн пресс-гIоьнчина.

Тахана «Новая газетано» хаамбира Нохчийчохь 100 сов гомосексулист лаьцна, царех лаххара а кхоъ вийна, аьлла.

Газето бахарехь, цуьнга кIира хьалха дуьйна схьа хьостанаша дийцина, Къилбаседа Кавказерчу цхьацца регионашкахь гомосексуалисташна гулам хIотто дихкича, Нохчийчохь лоьцуш, хьийзош, бойуш бу иштанаш, аьлла.

XS
SM
MD
LG