Оьрсийчоьно Iамеркца “боккъал тIом” хиларна кхерам бу боху нагахь санна Цхьаьнатоьхначу Штаташа Шемарчу президентана гIортоярна ультиматум Оьрсийчоьнна хьалхататтахь. Британин арахьарчу гIуллакхийн министра Джонсон Бориса оршот дийнахь малхбузерчу пачхьалкхашка кхайкхам бира Оьрсийчоьнна дуьхьал керла санкцеш яха, аьлла, нагахь санна Ассада хими герзах пайдаэцна маьрша нах байинчул тIаьхьа, Оьрсийчоьно цуьнца юкъаметтигаш ца хадаяхь.
Оьрсийчоьнан Лондонерчу векалто кхерам тесира, и санна ультиматум Iамерко а, цуьнан бартхоша а шена хьалхайиллахь, "боккъал тIом" хила мега, аьлла, яздо малхбузерчу хаамийн гIирсаша.
