Францерчу Оьрсийчоьнан векала бахарехь, президент Путин Владимир бутт баьлча Париже кхочур ву Малхбузерчу лидерша дуьненан шолгIачу тIамехь баьккхина толам базбечу барамехь дакъалаца.
И хаам беш дипломатин декъан куьйгалхочо Орлов Александра элира, Мангал-беттан 6-чу дийнахь Путина кхечу лидершца цхьаьна билгалдоккхур ду оцу дийнахь 70 шо хьалха оьрсийн а, Малхбузенан а эскарш Гитлер вохочу тIеман новкъахь , Нормандехь, дуьхь-дуьхьал кхачар, аьлла.
Оьрсийчоьнан векала Орловс и хаам балле сахьташ хьалха Францин президента Олланд Франсуас элира журналисташка, ша Оьрсийчоьнан президенте а кхайкхина оцу барамехь дакъалаца, аьлла.