Деношкахь лаца кхайкхорца, махкахула сурташ даржийна хилла Алисханов Аслан вийна шоьтан дийнахь Нохчийчоьнан ницкъаша, хаам баржийна цигарчу полицино.
И 33 шо долу стаг лохуш вара, ши кIира хьалха Соьлж-ГIалахь пхи полисхо а вуьйш, Мударов Апти эккха араваьккхинарг ву аьлла. Старопромыслан кIоштахь, карахь маса топ а, дегIаца оьккху коьчал а йолуш вийна иза шаьш, хаамбо полицино.
