Товбеца-беттан 27-чу дийнахь Iамеркин пачхьалкхан департамено даржийна Оьрсийчоьнан территори тIера Украинин эскаршнадеза герзаш деттар гойтуш дуол шайн спутнико даьхна сурташ. И сурташ даьхна кху беттан 25-чу а, 26-чу а деношкахь. Цу сурташ тIехь дерг кхетош йолу текст кечйина Iамеркин Къоман кхерамазаллин сервисан директоро.
Iамеркин спутнико даьхначу сурташа гойтуш ду Украинин эскаршна Оьрсийчоьнан территори тIера тохарш деш хилар
1
Къоман Кхерамазаллин сервисан директоран хаам: Кхузахь гуш ю Оьрсийчоьнан территори тIехь, Украинина тIе а ерзийна, лаьтташ йолу шаьш лела яккхийн тоьпаш. Украинин эскаран позицешна уллехь гуш ю яккхийн тоьпийн хIоанаш, я ракеташ лилхина меттигаш.
2
Къоман Кхерамазаллин сервисан директоран хаам: Кхузахь уллера гуш меттигаш ю яккхийн тоьпаш йеттале а, йиттинчул тIаьхь а.
3
Къоман Кхерамазаллин сервисан директоран хаам: Кхузахь гуш ю Оьрсийчоьнан территори тIера Украинин эскаран дакъа долчу агIор ракеташ хецна ши меттиг. Гуш ю ракетийн системаша тохарш дина меттигаш.
4
Къоман Кхерамазаллин сервисан директоран хаам: Кху сурт тIехь а гуш ю Оьрсийчоьнан территори тIера Украинин эскаран дакъа долчу агIор ракетийн системаша тохарш дина меттигаш.