2000-чу шеран Гезгмашин-беттан 1-чу дийнахь Кавказерчу гIаттамхоша Кремлна Нохчийчохь тIемаш бен оьрсий эскарш арадахар тIедожош дIалецира Бесланера № 1 школа. ДIахьедарна жоп ца луш кхо де даьлча, лехийтарш дира школи чохь, цул тIахьа штурм йира эскарша. Чуьрачу 1100 хьехархойх а, дешархойх а вийра 330 стаг, шайх ах бераш а нислуш. Бохам хилла 10 шо кхочуш Бесланерчу школехь а хилла, сурташ даьхна фотографо Маркосян Дианас, бесланхошца къамелаш дина Маршо Радион корреспондента Балмфорт Тома.
Итт шо даьллехь а, йиц ца ло Беслан
1
Школехь 300 сов сурт ду беллачийн. Бохам хилларх, метта ца хIоттош, дагалецаман хIоллам бина школин херцарех. Бахархоша, делла бераш дагалоцуш, тайп-тайпана тайнигаш кхоьху цига.
2
Качмазова Аминин 8 шо хилла школа д1алаьцначу хенахь. Школи чохь закъалтхо лаьттинчу цуьнан бIаьрг баьккхина хIахь. Владикавказехь университетехь дуьненаюкъара зIенаш Iамош ю иза.
3
Кокова Оксанин юьжучу чоьнехь хан сецна лаьтта. Цуьнан дас Руслана даима а йиллина юьту неI. Школе лаьцна а йолуш, цу чуьра яда аьтто баьлла Оксанин, амма шен накъостий-бераш кIелхьара даха яхча, юха ца еъна. 15 шо хилла Оксанин.
4
63 шо ду йийначу Оксанин ден Коков Русланан. ЙоI ерал совнаха, оьрсийн эскарша деттачу герзаша корах дохийнера шайн, дагалоьцу цо. ХIинца а ангалеш дIатохаза ду – хIетахьлера трагеди йийъян ца лаьа цунна.