Мел лаххара а 4 эккхийтар дина ПIераскан дийнахь Украинехь Днепропетровскехь. Iедалша бинчу хаамца, лазийна ву 27 стаг. И бахьана долуш чIагIйинчу рожехь болх беш ю меттигера ницкъаллин структураш.
Полицино шен Iуналле эцна гIала чу а, ара а довлуш долу некъаш. Днепропетровскерчу прокуратуро бехк-такхаман гIуллакх схьадиллина терроран тIелетарш дина, аьлла. Бахархой лар бан дезаш дерг дийцаре дан вовшахкхеташ ю Украинан Лаккхара Рада.