Къайлаха хаамаш гIарабахарна, Вошингтоно схьавоьхуш волу, Iамеркан Цхьанатоьхначу Штатийн Къайлахчу сервисийн белхахо хилла Сноуден Эдвард Москохара ХIавана доьдучу кеманна тIехь дIа ца вахана. Ройтерсо а, Интерфаксо а бечу хаамца, оршот дийнахь Кубе даха новкъа даьллачу кеманна тIехь Сноуден вацара.
Индехь дIаяьхьначу зорбан-конференцехь вистхуьлуш, Iамеркан пачхьалкхан секретаро Керри Джона Оьрсийчоьнна варе дира, кхоалгIачу пачхьалкхе дIаваха Сроуденна кеманна тIе волуш гIо даро, шина «пачхьалкхан юкъаметтигашна тIеIаткъам а бийр бу, цуьнан тIаьхьалонаш а хир ю» аьлла.
Iамеркан Iедалша Оьрсийоьне дIавехнера Сноуден. Шен цIахь цуьнга кховдон кечбина бехк бу, Iамеркан Iедалан тIехьажаран программех лаьцна хаамаш нахала бахарна.
Сноудена Эквадоре тхов-кIело ехнера, ша Москохарчу аэропорте дIа ма кхеччина. Эквадоран арахьарчу гIуллакхийн министро дийцарехь, «цуьнан Iедал толлуш ду Сноуденан дехар».
Индехь дIаяьхьначу зорбан-конференцехь вистхуьлуш, Iамеркан пачхьалкхан секретаро Керри Джона Оьрсийчоьнна варе дира, кхоалгIачу пачхьалкхе дIаваха Сроуденна кеманна тIе волуш гIо даро, шина «пачхьалкхан юкъаметтигашна тIеIаткъам а бийр бу, цуьнан тIаьхьалонаш а хир ю» аьлла.
Iамеркан Iедалша Оьрсийоьне дIавехнера Сноуден. Шен цIахь цуьнга кховдон кечбина бехк бу, Iамеркан Iедалан тIехьажаран программех лаьцна хаамаш нахала бахарна.
Сноудена Эквадоре тхов-кIело ехнера, ша Москохарчу аэропорте дIа ма кхеччина. Эквадоран арахьарчу гIуллакхийн министро дийцарехь, «цуьнан Iедал толлуш ду Сноуденан дехар».
