ХIокху кIирнахь кхузткъа шо кхаьчна Хрущев Никитас Советан Бертан пачхьалкхан Коммунистийн партин хьалхарчу секретаран дарж караэцна. Советан экономика кхуьуш а, коммунизме болу тешам онда а хиларна цо майра реформаш йолийра пачхьалкхехь. Реформин декъехь яра десталинизаци, эрна аренашкахь ялта кхиоран программа, космосан программа, културера паргIатонаш а. Амма пачхьалкхана арахьа Хрущев шога вара. Берлинера пен бан омар делира, къинхетамза охьатаIабайтира 1956-чу шарахь Венгрехь иккхина гIаттам, Кубан ракетийн кризис йолуш, дуьне тIамна герга далийра.
1964-чу шарахь Брежнев Леонида вохийра урхалла дечуьра.
Сталин Иосиф веллачул тIаьхьа цо бинчу хийцамийн уггар къегина билгало яра, дарж Iад а дитина, цуьнан маьршша пенсе ваха а, 1971-чу шарахь велла дIаваллалц, парггIат мемуараш язъян а елла бакъо.
Хрущевс шен карьера йолийна 60 шо кхаьчна
1
1930-чу шерашкахь йолийра Хрущевс шен карьера Коммунистийн партехь. 1931-чу шарахь дуьззинчу деношкахь коммунистийн партина дуьхьа къахьега волавелира иза. Цу партин гIонца 1938-чу шарахь Москох-гIалин коммунистийн партин комитетан хьалхара секретар хIоьттира. Цул тIаьхьа деанчу шарахь иза коммунистийн партин Коьрта Комитетан Политбюрон декъашхо хилира. Иза Советан пачхьалкхан уггар лакхара урхалла яра.
1936-чу шарахь ГIуран-беттан 5-чу дийнахь дIабаьхьначу Советийн VIII гуламехь вистхуьлуш Хрущев.
1936-чу шарахь ГIуран-беттан 5-чу дийнахь дIабаьхьначу Советийн VIII гуламехь вистхуьлуш Хрущев.
2
Советан пачхьалкх - Каганович Лазар, Булганин Николай, Хрущев Никита а Сталинан тезетахь, 06Заз1953
3
1956-чу шеран Чиллан баттахь Хрущев Никитас Сталинан васт дохош къайлаха къамел дира Комунистийн партин 20-чу гуламехь. Цунах йоккха гIовгIа елира коммунистийн партехь а, малхбузехь а. Делахь а, Сталинан террорехь ша лаьцна хилла дакъа ца дуьйцуш дитира Хрущевс.
4
50-чу шераш юкъадовлуш Хрущевс юкъадаьккхира, хIетахь Советан пачхьалкхана юкъайогIуш хиллачу Казахстанан эрна аренашкахь ялта кхиор. Никита Хрущев ву хьалакхиинчу ялтина юкъа а хIоьттина, шен сурт доккхуьйтуш. 18 Охана, 1964, Казахстан
50-чу шераш юкъадовлуш Хрущевс юкъадаьккхира, хIетахь Советан пачхьалкхана юкъайогIуш хиллачу Казахстанан эрна аренашкахь ялта кхиор. Никита Хрущев ву хьалакхиинчу ялтина юкъа а хIоьттина, шен сурт доккхуьйтуш. 18 Охана, 1964, Казахстан