ТΙаьххьарчу заманахь хилла а доцург – Ιамеркан Цхьанатоьхначу Штатийн президентца Барак Обамица телефонехула къамел динчул тΙаьхьа - ГΙажарийчоьнан президент РохΙани Хьасан цΙавирзина Нью-Йоркера, Цхьакхеттачу къаьмнийн организацин кхеташонера.
Иза ТΙехΙеранехь кеманара охьавуссуш, дуьхьал баьхкинчу нехан цхьана декъо маьхьарий деттара, «ХΙаллакьхуьлда Ιамерка!», бохуш, цуьнан машен тΙе локкхаргаш а етташ.
Нью-Йоркехь цо дΙахьедина, гΙажарой кийча бу шайн зарратан программа бахьанехь Малхбузенца иккхина дов бертахь дерзон, аьлла. Оцу хьокъехь дара цуьнан 15 Обамица хилла къамел а . Ιамеркан лидер РохΙанин дехарца ваьллера зΙене.